per il capelan dil capitano zeneral,
      data a dì 21 avosto, drizata a li fioli dil zeneral,
      narra li successi de dì 8 fin 21 avosto.
     
      Continuando al solito nel scriver, magnifici et generosi patroni, dico l'ultima mia fo de dì 6 dil presente a hore 7 de dì al Prodano, a la qual mi riporto. Per questa intenderete, come a dì 7 ditto a hora una de dì fu discoperta l'armada dil Turcho esser levata e tirata fuora zercha mia 6, de fato la magnificenza del misier fè dar la trombeta e subito le galie e le sue nave al remurchio, e mancho de una hora tutti fosseno a la vela con quasi bonaza, pur tenendose sempre in mar perché cussì teneva l'altra, scomenzò a meter provenza assà rasonevele, de fato levato el vexilo dil crucifisso tutti in arme andati a poza con tanto animo quanto dir se possa, fati do mia l'armada turchescha rese la volta fuzendo a terra e nui driedo, tamen fu volontà di lo eterno Idio, lontani da lo inimicho zercha mia 4, saltò bonaza, di che ogni desiderio rimase debile ma dil tutto Idio sia ringratià. Quando l'armata dil Turcho lontana ut supra vete non poter esser molesta se messe in mare, e nui a la volta di terra tenendo verso il Prodano per adunarsi tutti insieme, e questo fu a hore 12 di giorno a sol a monte con vento lento; ditta armada ne era driedo zercha mia 4 di subito con ogni zelere provisione dade le galie al remurchio provisto di star in mar ce rimanessemo al vento si a secho come a le vele su le volte.
      A dì 8 che fu la matina seguente a l'alba se atrovassemo tutti uniti per mezzo il Zonchio, e l'armata inimicha quasi per mezo Modon pur sotto vento et [1231] in bonaza, fo discoperto zerte nostre velle veniva di ponente a la larga, foli mandà do galie in contra per segurtà, le qual agionseno a nui a hore 8 de dì, e fu do galie sotil, misier Valerio Marzelo e misier Zuam Malipiero, la nave Malipiera patron Domenego Biancho con provisionati 170 e tre caravelle armade in Schiavonia, per le qual velle se ebbe lettere di vostre magnificentie de dì 16 et 17 lujo tutte gratissime, et in quel zorno nui asorzessemo al Zonchio le nave con le galie grosse in su le volte, et dice di altre lettere ricevute, etc.