Item, il castelan dil castello di Cremona li ha mandato li infrascripti capitoli, non li hanno risposto, la copia mandoe a la Signoria nostra.
     
     
      Copia di capitolirechiesti per domino Piero Antonio Bataja
      castelan di Cremona a li provedadori nostri.
     
      Et primo li sia dato Castel Lion et la sua corte et possession, et possi trar li beni e intrade per tutte terre di la Signoria nostra, come havia a tempo di la duchessa Biancha, senza pagar nulla.
      Item, habi San Zuane in Croxe con tutte le jurisdition, come havia el conte Lodovico dal Bergomin, et le intrade, etiam libere et exempte ut supra.
      Item, suo padre, perhō che ditto castelan nome Piero Antonio Bataja de Codignola, esso castelan et fradeli, et soi descendenti siano fati zentilhomeni di Veniexia.
      Item, si par alcun caxo non godesse ditte intrade soprascripte, over quelle li fusseno tolte, habi in perpetuo da la Signoria nostra ducati 2000 a l'anno di provision.
      Item, che li sia dato di presente ducati 40 milia, et lui darā a la Signoria il castello con l'artilarie, excepto quello č di manzar.
      Item, che sia dato a Batagino suo fradelo ducati 5000 et soldo per cavalli 100 in perpetuo.
      Item, che li sia dato una caxa in Veniexia di ducati 4000.
      Item, che le possession sue et il castello di sopra nominato siano libere sue, et quelle possi vender a suo piazer.
      [1267] Item, che sia dato ducati 5 al mexe a certi soi parenti di provision, quali nominerā.
      Item, che possi lui sempre con li soi fameglii portar arme.
      Item, che possi cavar tre di bando, uno per asasinamento, li altri doy per homicidio puro.