Pagina (735/1091)

   

pagina


Pagina_Precedente  Pagina_Successiva  Indice  Copertina 

      Item, presentò uno numero di cavali si averia de lì via:
     
      El ducha Zuam Corvino, faria cavali 500
      El conte Zuam, quel conte Carlo di Corbavia " 100
      El conte Bernardin di Frangipani " 100
      El conte Anzolo di Frangipani " 60
      El conte Michiel di Frangipani " 50
      El conte Piero de Marsiga " 30
      El conte de Srigna " 40
      El signor de Blagay " 40
     
      Che sumano in tutti cavali 920 sarìano presto ad uno.
     
      Da poi disnar, fo pregadi. Vene el principe, qual se redusse in cheba con la Signoria e cai di X fino fu leto le lettere, erano molte; et vene hessendo reduti le infrascritte lettere:
     
      Da Ferrara, dil vice domino, di 9. Come quel zorno a hore 19 el reverendissimo legato si partì per Ruigo, voleva esso vicedomino venisse con lui qui, li disse non partirsi ma lo acompagneria fino a la Polesela, et sempre è stato con lui, soa signoria vien ben disposto, e a Ferrara per il ducha li era stà fato grandissimo honor. Item, poi per un'altra [1272] lettera di 9 avisa molte nove abute di le cosse di Milan, etc.
      Da Ruigo, di sier Zacharia Contarini el cavalier podestà et capitano, di 9. De l'intrada dil ditto reverendissimo cardinal legato, li andò contro verso Pontichio, e lui vene per un'altra via con 10 cavali, e a hora tarda arivò su la piaza; questo processe per haver auto, hessendo a Ferrara per montar a cavalo, lettere di Roma, il papa li notificava li havia dà l'arziepiscopà di Valenza, siché era tutto aliegro: li fece gran honor.
     
      Di campo di provedadori, vene lettere di 8 a hore una di note, apresso San Martin.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Zuam Corvino Zuam Carlo Corbavia Bernardin Frangipani Anzolo Frangipani Michiel Frangipani Piero Marsiga Srigna Blagay Signoria Ferrara Ruigo Polesela Ferrara Milan Ruigo Zacharia Contarini Pontichio Ferrara Roma Valenza San Martin