Pagina (786/1091)

   

pagina


Pagina_Precedente  Pagina_Successiva  Indice  Copertina 

      Item, il corier à ditto a Milan esser assai francesi, il signor misier Zuam Jacomo aloza dove alozava li oratori vinitiani, et acorda il castelan di la Rocheta. Item, esser zente in caxa di domino Marchexin Stanga, et altri cortesani, el conte di Cajazo et Antonio Maria di Sanseverino sono a Milan tratano acordarsi con Franza. Item, par Lazaro Grasso esser zonto in campo nostro con li soi provisionati, unde esso provedador mandoe Pin da Bergamo con la soa compagnia a Brexa, acciò lo mandino in Valchamonica; manda le mostre fate etc.
     
      In questo pregadi fu electo provedador a Corphù, justa la forma di la parte presa, in locho di sier [1308] Andrea Loredan a chi Dio perdoni, et rimase sier Lucha Querini fo capitano et provedador a Napoli di Romania, fo di sier Marco, qual il zorno seguente venuto in collegio aceptoe.
     
     
      [1499 09 16]A dì 16 septembrio. In collegio avanti si lezesse lettere nì altro, fono mandati chi non intrava nel consejo di X fuora, et steteno assai.
     
      Vene do oratori luchesi vestiti di veludo negro, homeni di auctorità, et presentato lettere di credenza, di 7, di soi signori, exposto prima la devotion di luchesi verso la Signoria nostra, poi dimandono audientia secreta, qual ebbe con li capi dil consejo di X. Et per quanto se intesi luchesi voleano levar San Marco, et erano venuti per capitolar. Li fo risposto si consulteria. Il nome di dicti oratori è domino Zuam Maria Medici et Zuam Guinisio.
     
      Vene domino Acursio orator di Franza, et li fo comunichà la risposta preso di far allegato per le nuove si havia da mar; disse come a dì 19 la majestà dil suo re havia nova dovea esser a Pavia.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Milan Zuam Jacomo Rocheta Marchexin Stanga Cajazo Antonio Maria Sanseverino Milan Franza Lazaro Grasso Pin Bergamo Brexa Valchamonica Corphù Andrea Loredan Dio Lucha Querini Napoli Romania Marco Signoria San Marco Zuam Maria Medici Zuam Guinisio Acursio Franza Pavia