Pagina (795/1091)

   

pagina


Pagina_Precedente  Pagina_Successiva  Indice  Copertina 

      Ditto orator lo confortoe assai.
     
      Del ditto data a dì 7. Come ha inteso il re si ha jatà con la sorela reina haver parlà gajardamente con esso nostro orator, et mandava qui uno suo orator chiamato domino Zuam Baptista Spinello, fo altre volte qui, partirà fin tre zorni; et che Prospero Colona dovea venir in Lombardia, non vien ma va temporizando.
     
      Di campo, di sier Marchio Trivixan provedador zeneral a San Martin a dì 14. Come per haver la rocha di Pizegetone, uno era lì praticava, li mandò a dir non desse più danari, li fè gran paura e mandò lì el conte Vetor da Martinengo et Hironimo da Monte colateral e tandem con interposition di sier Hironimo da cha da Pexaro, era li provedador, [1314] la rocha si rese e nostri erano intrati. È bellissima forteza, e cussì a dì 14 da matina intrò dentro, et etiam nostri custodisse una toreta di là di Adda sine prejuditio regis, siché franzesi custodiva di qua da Lodi un certo revelin, qual per i capitoli è di la Signoria nostra. Item, li fanti tuttavia zonseno in campo, non li parla di danari per non li abisognar al presente hessendo quasi finito.
     
      Da Cremona, di sier Marco Antonio Morexini el cavalier provedador, di 14. Come il conte Alvixe Avogaro la sera avanti condusse esso provedador apresso il castello a parlar a Francesco di Quarteri, qual concluseno prima con lui Francesco con li capitoli scritti per avanti, et cussì col castelan, et mandò la copia di capitoli, li qual fono da tutto il consejo di pregadi biasimati, perhò che tra li altri era di dar al castelan ducati 12 milia et 500 di contadi al presente, el resto termine a Nadal dia haver a la camera di Brexa, ha scritto a Brexa provedi di danari.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Zuam Baptista Spinello Prospero Colona Lombardia Marchio Trivixan San Martin Pizegetone Vetor Martinengo Hironimo Monte Hironimo Pexaro Adda Lodi Signoria Cremona Marco Antonio Morexini Alvixe Avogaro Francesco Quarteri Francesco Nadal Brexa Brexa