Pagina (796/1091)

   

pagina


Pagina_Precedente  Pagina_Successiva  Indice  Copertina 

      Quella rocha è belissima e inexpugnabile, aspettava solum li danari per haver il castello preditto, et il messo mandato a Trento, ma dicha quello voy è concluso di rendersi. Or il consejo alditto questo mormorò assai cargando esso provedador.
     
      Item, scrive l'orator di Franza monsignor di Beumonte vene a veder di fuora via il castello, disse saria stato sie mexi a tenirse, e si havia fato ben a concluder; et quando esso provedador li parlò di Codignola disse è contra li capitoli, et è molti in Italia dice mal di la Signoria al roy, perhò voria la Signoria non seguisse l'impresa. Li rispose esso provedador tochava a la Signoria nostra, et non saria stà altercation con la cristianissima majestà; rispose l'orator io son servidor di la Signoria. Item, manda uno riporto di nove abute dal ditto orator, li ha mandà misier Zuam Jacomo Triulzi da Milan.
     
      Da Caravazo, di sier Zuam Antonio Dandolo provedador, di 14. Come, per uno vien di Milan eri, ha nova franzesi haver hauto Belinzona et queli passi, et misier Zuam Jacomo eri in consejo disse bone parole al populo, a le qual non li fo risposto; et era stà concordà di haver il castello per mezo di 5, e la rocheta si vol dar.
     
      In questo pregadi fo posto, per li consejeri e tutti li savii, dar licentia a le nave di Cipry retenute de lì vengino via, et cussì etiam a quelle è in armada con mercadantia, et quelle nave sono stà retenute qui si possino partir con questo si apresenti al capitano zeneral; et scriver in Cipry quelle nave debano navegar unite et elezer tra lhoro un capitano: have tutto il consejo.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Trento Franza Beumonte Codignola Italia Signoria Signoria Signoria Signoria Zuam Jacomo Triulzi Milan Caravazo Zuam Antonio Dandolo Milan Belinzona Zuam Jacomo Cipry Cipry