Sier Beneto Belegno, fo cao di XL, q. sier Francesco 11,8
      Sier Zacharia Gradenigo, fo podestà a Moncelese, q. sier Zuane 9,10
      Sier Agustin Valier, fo exator al monte nuovo, q. sier Bertuzi 6,12
      Sier Alvixe Briani, fo cao di XL, q. sier Donado 10,9
      Sier Fantin Moro, fo cataver, q. Francesco 7,11
      Sier Zuam Francesco Gritti, fo podestà a Dignan, q. sier Hironimo 6,13
      Sier Fantin Bon, el governador, q. sier Alexandro 5,14
      Sier Zuam Lion, fo vice domino al fontego di Todeschi 6,12
      Sier Nicolò Michiel, fo al dazio dil vin, q. sier Nicolò 5,14
      Sier Beneto Guoro, q. sier Pandolfo 6,13
      † Sier Faustin Barbo, el savio ai ordeni, q. sier Marco 15,3
     
      Da Riva, di sier Hironimo Baffo provedador, di 14. Haver inteso la pace fata con sguizari e altri; dice non è fata, pur uno Nicolò Provese da Trento ha ditto che con li danari dil signor Ludovico el re di romani vol far un buso in qualche luogo, inferendo voler romper a la Signoria nostra, e tuttavia si manda zente per il signor di Trento in campo contra agnelini a Venosa. Aricorda si provedi di custodia lì.
      E per collegio li fo mandà alcuni fanti, et cussì a Roverè, zoè scritto in campo ai provedadori, vi mandasse qualche contestabele con provisionati.
     
      Da Bassan, di sier Alvixe Liom podestà et capitano, di 14. Haver nova il signor Lodovico esser a Meran, dia venir a Bolzan con cavali 1500. Item, il re ha mandato una bombarda, munition e vituarie a li castelli vicini con nui, et faceva far in Primier 4000 lanze.
     
      Da Verona, di sier Jacomo Liom podestà e sier Hironimo da cha da Pexaro capitano, di 15. Haver il signor Lodovico esser zonto a Bolzan con cavali 1500, potria far qualche movesta a li lochi vicini, pertanto haveano dato noticia a Roverè e Riva stagino riguardosi.