Pagina (816/1091)

   

pagina


Pagina_Precedente  Pagina_Successiva  Indice  Copertina 

     
     
      È da saper, l'altro zorno fo scritto a Crema et a Bergamo dovesseno trovar quel più numero di danari potrano, tolendoli a imprestedo et di la limitation, e mandarli subito al provedador nostro a Cremona per haver quel castello, perhò che era bisogno zercha ducati 15 milia.
     
      Da Ferrara, dil vice domino nostro, di 16. Come solicitava Antonio Maria Guarnieri fator dil ducha e satisfar la Signoria per il debito dil sal; da novo nulla ha, solum si dice misier Zuam Jacomo Triulzi haver scritto a quel ducha vadi a Milan a honorar la regia maestà. Item, a Bologna si portava vituarie a furia in la terra.
     
      Da Ravena, di savi ad utilia, di 17. Si duol di [1328] li portamenti hanno fato queli dil signor di Rimano su quel teritorio.
     
      Di sier Marin da Leze sopracomito vidi una lettera scritta a suo fratello sier Donado. Avisa li successi con turchi, danna sier Antonio Grimani capitano zeneral di pessimo governo, et che 178 velle turchesche intrò in golfo, et esser stà morti di la sua armada da turchi 25 milia et 25 capi, ergo etc., nomina 5 lepantini, el vayvoda, Andrea de Juani, Andrea Zaffa, Alvixe Zordan et Alvixe Dragopulo, nescio ad quid.
     
      Da poi disnar, fo pregadi, et vene le infrascritte lettere.
     
      Di campo apresso San Martin, di sier Marchio Trivixan, sier Polo Trivixan el cavalier podestà di Brexa provedador zeneral, di 17. Come esso sier Marchio per ubedir le lettere nostre statim montava in burchiela a Cremona et veria per Po, et sier Polo Trivixan esser zonto lì. Item, mandono l'inventario di quello era in la rocha di Pizegeton dove era stà posto castelan sier Hironimo da cha da Pexaro, et in la terra provedador sier Alvixe Alberto, dove è una bombarda grossa et uno passavolante, siché avisano il tutto.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Crema Bergamo Cremona Ferrara Antonio Maria Guarnieri Signoria Zuam Jacomo Triulzi Milan Bologna Ravena Rimano Marin Leze Donado Antonio Grimani Andrea Juani Andrea Zaffa Alvixe Zordan Alvixe Dragopulo San Martin Marchio Trivixan Polo Trivixan Brexa Marchio Cremona Polo Trivixan Pizegeton Hironimo Pexaro Alvixe Alberto