Pagina (826/1091)

   

pagina


Pagina_Precedente  Pagina_Successiva  Indice  Copertina 

     
     
      Vene l'orator di Franza al qual fo comunichato le nove si havia, e li fo leto la proposta e risposta fata al cardinal legato, qual summamente laudoe dicendo haver scrito al roy zercha le cosse turchesche in bona forma; et li fo ditto in racomandation di Rossi, rispose sta ben.
     
      Vene l'orator di Napoli exponendo il signor re suo inteso la perdita di Milan è in fuga non sa che farsi, vede la sua ruina, vol consejo da questa illustrissima Signoria, si duol de la perdita di Lepanto; et il principe li rispose non perhò bona verba.
     
      Et noto. Per lettere di sier Zuam Bragadin da San Severo, fo ditto il re Fedrico esser partito di Napoli, vien a Milan per stafeta dal roy per adatar li fati soi voluntarie e non fu vero.
     
      Da Crema, di sier Hironimo Liom el cavalier podestà et capitano. In materia di biave comprade de lì per il campo justa i mandati, etc.
     
      Di Franza, di sier Antonio Loredan el cavalier orator nostro, date a Besanzon, a dì 15. Come havia ricevuto nostre lettere con li sumarii di nove e la risposta fata a l'orator cesareo, fo dal re e li comunichò, qual li mostrò lettera di l'orator suo residente qui di le congratulation di la Signoria nostra e quella ringratia, quanto al re di romani disse harà da far con do potentati, vol lassar soa maestà 1200 lanze in Italia per aiuto di ambedoi stati. Item, li parlò dil conte Filippo di Rossi, soa maestà disse come saremo a Milan non mancheremo di raxon. Item, il cardinal San Piero in Vincula era zonto lì.
     
      Da Bassan, di sier Alvixe Liom podestà et [1335] capitano, di 20. Haver nova di la pace fata con sguizari e il re di romani, non perhò è fata con agnelini e la liga Grisa.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Franza Rossi Napoli Milan Signoria Lepanto Zuam Bragadin San Severo Fedrico Napoli Milan Crema Hironimo Liom Franza Antonio Loredan Besanzon Signoria Italia Filippo Rossi Milan San Piero Vincula Bassan Alvixe Liom Grisa