Pagina (827/1091)

   

pagina


Pagina_Precedente  Pagina_Successiva  Indice  Copertina 

      Item, è zonto a Trento 300 fanti mandati per il signor Lodovico, qual è a Bolzan et è mal visto da' todeschi. Item, a castel Juam si fornisse; et scrive a la Scala è pocha custodia, voria meter 6 compagni di più, et vi è castelan sier Renuzi Permarin. Fo laudato et scritto li meti.
     
      In questa matina il cardinal legato vene a veder le zoje di San Marco e il palazo dil principe acompagnato con patricii.
     
      Noto. Il dacio dil vin per li governadori de l'intrade fo afitado per uno anno ducati 56 milia a sier Francesco Pizamano q. sier Piero, el qual dacio prima si afitava ducati 70 milia etc.
     
      È da saper, acadete sier Antonio Grimani capitano zeneral è in grandissimo odio a tutta la terra, adeo uno suo saraxin volendo difender el patron fo batudo da li puti da Santa Maria Formoxa.
     
      Da poi disnar, fu gran consejo, fo facto podestà et capitano a Crema in luogo di sier Zacharia Dolfin refudoe, et tal parole fo ditto per il canzelier grando nela proposta, videlicet loco sier Zachariae Dolphino qui refutavit pro vacando officio ei imposito super executione rerum maritimarum, attenta importantia rerum ocurrentium modo et in futurum, e fo gran son a consejo per questo. Et fu facto provedador al sal, fu tolto sier Jacomo Polani con titolo, pare di sier Vicenzo che investì l'arma turchescha, ma non passò, et l'altro consejo rimase al sal sier Antonio Loredan fo soracomito q. sier Francesco fradello fo di sier Andrea, brusato su la nave Pandora da' turchi, et rimase da tutti; et questo è da notar il bon voler di la terra di premiar queli si ha fatigato e operato in armada, et è gran miseria a questi tempi si usa tal titoli.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Trento Lodovico Bolzan Juam Scala Renuzi Permarin San Marco Francesco Pizamano Piero Antonio Grimani Santa Maria Formoxa Crema Zacharia Dolfin Zachariae Dolphino Jacomo Polani Vicenzo Antonio Loredan Francesco Andrea Pandora