Pagina (866/1091)

   

pagina


Pagina_Precedente  Pagina_Successiva  Indice  Copertina 

     
     
      In questo pregadi fu posto per li savii dil consejo e di terra ferma, la comission a li oratori nostri vanno al re di Franza, videlicet nel primo congresso si aliegri con sua majestà di la victoria et poi se li manderia l'altra comission. Have tutto il consejo, et li fo scritto accelerasseno il camino perché il re saria presto.
     
      Et fo cazà di pregadi e mandati di suso seradi li parenti di sier Antonio Grimani procurator capitano zeneral di mar e li parenti di fioli, e cussì andoe sier Vicenzo suo fiol era di la zonta, sier Alvixe e sier Hironimo Grimani et sier Lorenzo Capello q. sier Zuam procurator cugnado di sier Hironimo suo fiol.
     
      E fu posto per tutte le tre man di savii la comission a sier Marchio Trivixan va capitano zeneral di mar molto longa, al qual fu dato gran auctorità e posto uno capitolo e fu il capitolar di consejeri che queli ussirà di la bataja quando si combaterà li sia tajà la testa. Item, se li dà ducati 20 milia de li qual dagi paga a le galie vechie, et a quelli sono stati 6 mexi li prieghi li galioti voglino star ancora a tanto bisogno. Item, debbi confortar tutte le terre nostre da mar e vedi di scuoder sier Andrea Loredan e altri zentilhomeni presoni. Item, mandi in questa terra a le prexon nostre li patroni di le galie grosse et mandi li mori è a Modon con le galie dil trafego in Alexandria. Item, uno capitolo di l'ixole di l'Arzipielego, et debi veder conto di danari abuti sier Antonio Grimani qual portò con lui ducati 8000 et 2000 ave, demun li era stà mandà ducati 12 milia, etiam, abuto di queli si mandava in Cypro per formenti ducati 5500, summa tutto ducati 27 milia et cinquecento.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Franza Antonio Grimani Vicenzo Alvixe Hironimo Grimani Lorenzo Capello Zuam Hironimo Marchio Trivixan Andrea Loredan Modon Alexandria Arzipielego Antonio Grimani Cypro