Sier Alvixe Corner, quondam sier Donado,
      quondam sier Jacomo, 72.110
      Sier Francesco Querini, fo ai 3 savij,
      quond. sier Hironimo, 80. 98
      Sier Hironimo Zorzi, fo soracomitoquondam sier Andrea, 57.122
     
      [1507 03 05]A dì 5. La matina fono incantà in Rialto, per li consieri, le do galie di Barbaria, atento che le tre poste non havia trovà patron. Et la prima ave sier Zuan Contarini, de sier Marco Antonio, per lire 31 di grossi; la 2.a sier Zuan Batista Falier, quondam sier Thomà, per lire 10, ducati 6. Item, le galie di Aqua Morte: la prima sier Zuan di Garzoni, quondam sier Marin, procurator, per ducati 2: la 2.a sier Zusto Guoro, quondam sier Pandolfo, stato patron l'anno presente, per ducati uno.
      Da poi disnar fo pregadi, per l'avogaria. per la [27] cossa di Pexari, con sier Marin Morexini, fo ai 3 savij, perhò che sier Zuan Corner, avogador, à intromesso, et sier Zuam Badoer, dotor, cavalier, qual non fo im pregadi. Et parlò sier Francesco da cha' da Pexaro, quondam sier Marco, nepote fo dil zeneral, longamente, zercha horre 6, et ben; et per esser l'hora tarda fo rimesso a diman.
      In questo zorno, in do quarantie, fo laudà certa sententia, fata per sier Alvixe Gradenigo, olim oficial a le raxon nuove, contra sier Antonio Condolmer, olim synico in Cypri. Fo disputata tre conseglij: ave 2 non sinceri, 28 taja, 38 bona. Monta dita sententia zercha ducati 170, ut in sententia.
     
      [1507 03 06]A dì 6. Fo etiam pregadi, per l'avogaria. Parlò sier Marin Morexini sopra nominato, in risposta di sier Francesco da Pexaro, qual justificò assa' ben le cosse lhoro; et non compì per l'hora tarda.