E cussì andò, e lui vene a le prexon.
     
      Item, hessendo stà ferito sier Sabastian Malipiero, quondam sier Andrea, di note, fo preso uno fiol di Stefano Taiapiera, et, colegiado, stete saldo. Hora è venuto in luce chi li à dato, et à mazà uno homo qui per avanti; et cussì in 4.tia fo preso di chiamarlo sier Vicenzo Zen, quondam sier Thomà, el cavalier, el qual si absentò.
     
      [1507 03 22]A dì 22. Fo pregadi. Et leto queste letere, il sumario sarà di soto. Et fo fati V savij ai ordeni: sier Alvise Capelo, quondam sier Hironimo, fo savio ai ordeni, sier Bortolo da Canal, fo camerlengo a Ruigo, di sier Jacomo, sier Hironimo Zulian, di sier Antonio, fo 40, sier Nicolò Bon, fo a la becharia, quondam sier Domenego, et sier Carlo Contarini, l'avochato grando, de sier Panfilo.
      Fu posto per li savij, che de caetero niun scrivan, ni masser, non tochi danari di niun officio di la Signoria nostra aspetanti, soto gran pene, ut in parte, ma li tochi li cassieri di li oficij; e questo, perchè li tochavano e non davano al savio. Fu presa.
      Fu posto per li savij, suspender le vendede di le do barze, vendute al publico incanto, che sono in canal per mezo San Marco, prese, una per sier Domenego Dolfim, olim capitanio di le galie bastarde, e l'altra per sier Filipo Badoer, soracomito di una galia bastarda etc.; et questo, per esser letere di Napoli, che si farà ripresaja etc. Fu presa.
     
      Item, fo posto licentiar di qui l'orator di Zenoa; et cussì fo licentiato.
     
      Da Ferara, di sier Sabastian Zustignan el cavalier, vicedomino.