hai preparato al resto la via corta.
     
      Et dimonstra il re:
     
      Vedi costui, costui che de la guerra
      è in tuto il mondo l'honorato nume,
      como Italia d'intorno stringe et serra,
      e contradire alcun non gli presume.
      Piglial, Luigi, per tuo ducha in terra,
      chè per tutto alzerai le regal piume;
      e, vinto el mondo con opre legiadre,
      regilo poi come signor e padre.
     
     
      Sumario di una lettera, data im Pavia,
      a dì 22 mazo 1507, a horre 2 di notte.
     
      Erri la majestà dil re volse honorar missier Jasom; chè a horra di la letion andò a le scole, con do cardinali et tutta la corte. Esso missier Jasom im principio li fece una orationcula; poi intrò in la letion, proponendo do dubij, et arguendo ad partes; et quelli non volse deciderli, ma lassarli sub examine et judicio di la majestà sua. Et uno di la so corte, che li fazeva el pam che 'l manza, a Zenoa fè violentia a una garzona, ozi l'à fato apichar, demostrando summa justitia. Ozi è a certa festa, in caxa di missier Scaramuza Visconte, dove è tutta la nobilità di le done e zentilhomeni di sta terra, e sua majestà, in honesti solazi. Doman anderà a disnar a la dita casa, con esso missier Visconte. La matina farà le beneditione di le scrovole; doman di sera anderà alozar a la Certosa, mia 5 di qui; luni, a disnar a Cassim, loco di missier Zuan Jacomo Triulzi, et la sera intrarà in Milam con triumpho. Di qui le strade ancora è coperte, e tanti verssi in laude, fati da' scolari. El cardinal Roam, San Severin, del Delfin (del Final), el fradelo dil gram maistro, ozi à disnato a la Certosa insieme; vano a Milan, e venirano contra la regia majestà. L'ambasador di Spagna a terza, sta mane, fo in Milano; el vostro magnifico ambasatore damatina va a la Zertosa, poi a Binasco.