[1507 06 09]A dì 9. La Matina fo incantà in Rialto le 3 galie deputate al viazo di Alexandria; et questi fonno li patroni:
     
      Sier Antonio Marzello,
      quondam sier Andrea, lire 151, duc. ...
      Sier Zuan di Garzoni,
      quondam sier Marin, procurator, " 151, " 7
      Sier Zusto Guoro,
      quondam sier Pandolfo, " 151, " ...
     
      Et fo incantà le do galie dil trafego, e non trovò patron.
     
      Da poi disnar fo consejo di X con zonta. E nota che fo asolto sier Alvise Barbarigo, quondam sier Antonio, padre di sier Etor, qual per il fiol fo bandito anni 5, privo di rezimenti, oficij et consegij, per averlo voluto trar di prexon. Or fo asolto.
     
      [1507 06 10]A dì 10. Fo pregadi. Et fo le infrascripte letere:
     
      Da Sibinico, di sier Marin Moro, conte. Come era zonto a Narenta uno messo dil signor turco; et havia mandà a la Porta in ferri do vayvoda, haveano scorsizato sul nostro in Dalmatia; e si dize mandarà qualche sanzacho, sì che à fato segni vol ben convicinar con la Signoria nostra.
     
      Di Milan, di oratori. Come il re havia diferito a partir per Saona, a dì X, anderà per stafeta, dove sarà a parlamento col re di Ragon, ritorna in Spagna. Item, dil zonzer lì a Milan il cardinal Santa Praxede, legato dil papa. Fo honorato assai: li andò contra il cardinal Roan, legato, con altri cardinali et oratori; intrò soto una umbrella damaschin bianco etc. Item, scriveno di coloquij à 'buti esso cardinal Santa Praxede con li nostri oratori; come è [99] amico di la Signoria, e meterà ogni amor con la christianissima majestà.
     
      Da Roma.