Avisa di preparamenti di zente alemane di sopra, per venir in Italia etc.
     
      È da saper, in le letere di Milan si ave uno aviso, che a Zenoa era stà squartà quel Paulo di Novi, fo doxe di Zenoa in queste combustion. Qual fu preso a Pisa e mandato a Zenoa in le man di francesi; sì che portò la pena dil suo peccato.
     
      Fu posto per li savij, et preso, far X milia fanti, atento queste motion dil re di romani; et far la description. per le nostre terre, di 5000 provisionati, qualli stiano preparati.
     
      [105] Fu posto, per li savij, che la decima numero ... ultimamente posta, sia scossa con don per tutto il mexe; poi vadi da basso a le cantinelle, e si scuodi senza don; poi a le cazude con pena.
     
      Fu posto dar licentia a li oratori nostri sono a Milan, che inteso certo, il re, poi stato a Saona, tuor la volta di Franza, debino ripatriar. Et fu presa.
     
      Fu posto, per li savij ai ordeni, confinar il capitanio di le galie di Barbaria in galia, a dì ... de l'instante, sub poena etc.
     
      Fu posto, per li savij, elezer per scurtinio im pregadi V zenthilomeni nostri, qualli siano sopra le merchadantie, e possino vegnir con lhoro opinione al pregadi etc. Fu presa.
     
      Noto, a dì 20, in colegio, con i cai di X, fu terminado far do governadori, uno al dazio di l'insida, l'altro a l'una per 100, con salario ducati 200 a l'anno per uno, e le parte di contrabandi. Ave 23, 0, 0. Eleti Barbaro Arian, quondam Luca, primo, et sier Alvise Barbaro, quondam sier Piero, per 2.°; i qualli refudono. Poi, a dì 23, fu preso farli con la condition fu eleto sier Bortolo Lion dil 1503, adì XI avosto, excepto il salario, videlicet habino ducati 200. Et rimaseno: primo sier Alvise Barbaro predito, et 2.° sier Antonio Balbi, quondam sier Jacomo; e introno.