De Elvetiis.
     
     
      Ex litteris sier Vincentii Quirino, doctoris, oratoris in Germania, datis in Constantia, 19 maii 1507.
     
     
      Li infrascripti sono li nomi de li 12 cantoni de' sguizari, et de tutti li lhoro ricomandati et confederati, con el numero de li fanti che ciaschadun puol mandar fuora del paese senza disconzo.
     
     
      Questi sono li 12 cantoni di sguizari:
     
     
     
      Zurich puol mandar fora fanti 1200
      Berna " " 2200
      Lucera " " 2000
     
      Sviz puol mandar fora fanti 1000
      Uronia, sive Uri " " 1000
      Underval " " 800
     
     
      (Questi tre si chiama la liga dil Bo, che tien in Italia Belenzona.
     
      Zocho puol mandar fora fanti 500
      Clarona " " 500
      Friburg " " 1500
      Sultorno " " 800
      Basilea " " 1000
      Sophusa " " 500
      _____Summa 13000
     
      [112]Confederati sono a questi:
     
      Grisoni, sive liga grisa fanti 6000
      Valesani " 400
      _____
      6400
     
     
      Li recomandati sono:
     
      Labet fanti 2000
      Apatel " 1000
      La terra di San Galo " 800
      _____Summa (?) questi 5 13800
      Dil mexe di luio 1507.
     
     
     
      [1507 07 01]A dì primo, fo San Marzilian. Vene in colegio sier Zorzi Pixani et sier Marco Dandolo, dotori et cavalieri, ritornati oratori di Napoli dal re di Ragon, ch'è andato in Spagna; et il Dandolo fe' la relatione, brieve; rimessi al pregadi, ozi. Et rimaseno a sentar savij di terra ferma, ai qual era stà riservato al suo partir.
     
      Da poi disnar fo pregadi. Et sier Zorzi Pixani sopra dito fe' la relatione. Et che 'l re à ... anni; et è misero molto: donò una vesta d'oro per uno, scusandossi era povero re. E, dil suo partir, à lassà uno nepote per vice re, et le tre rayne ch'è a Napolli, la sorella dil re, fo moglie di re Ferado vechio, la fia, fo moglie dil re Ferandino, et la raina fo di Hongaria, fo moglie di re Mathias.