Et disse molte altre cosse, e la bona amicitia volea tenir il re con la Signoria; confirmà ogni privilegio si havia. Laudono il gran capitanio, qual è ben voluto dal regno, è liberal, magnifico; et disse altre particularità.
     
      Fo fato uno savio dil consejo, per 3 mexi, in luogo di sier Marco Bolani, refudò, sier Nicolò Michiel, dotor, cavalier, procurator, da sier Zorzi Emo. Item, do savij di terra ferma, ordinarij: sier Marin Zorzi, dotor, et sier Domenego Malipiero, stati altre fiate. Et il Malipiero refudoe.
     
      Da Milam, di Nicolò Stella, secretario. Dil partir di do nostri oratori per Pavia, qualli per Po ritorneriano a ripatriar. E per Milan si dice di la venuta dil re di romani a tuor il stato di Milan, e tutti jubilla. Et alia secretiora.
     
      [1507 07 02]A dì 2, fo la Madona. El principe fo a messa in chiesia, con li do oratori dil re di romani et quel di Ferara.
     
      Da poi disnar 0 fu. Et fu il perdon al Spirito Santo di colpa e di pena, venuto di Roma.
     
      [113][1507 07 03]
      A dì 3. Da poi disnar fo pregadi. Et leto le infrascripte letere, qual questo è il breve sumario:
     
      Di sier Cabriel Moro, el cavalier, orator nostro a presso il re di Ragon, più letere. E dil zonzer l'arma' dil re a Zenoa, e dismontò in terra; fo honorato assai. Item, che li vene di Saona, con 3 galie, monsignor di Foys, so cugnado, e il re ave a mal; non intrò im porto, poi la matina si partì e andò a Saona. Item, fece molti privilegij a' zenoesi. À il re 16 galie, tra le qual è 4 per forza, capitanio Villa Marin, et ... nave, capitanio Piero Navaro, e il gran capitanio con so moglie.