Et fu presa. Et cussì fo, a dì 25, electo sier Alvixe Bondimier, quondam sier Francesco, è 40 zivil.
     
      Fo posto per sier Antonio Trun, procurator, savio dil consejo, scriver in Alemagna in risposta di le proposition fate per il re etc. Et parlò sier Zorzi Emo contra. Sier Antonio Trun difese la so opinion; poi parlò sier Francesco Trun, e tandem sier Antonio Trun otene nescio quid; unum est, fo expedita la materia.
     
      In questa matina, è da saper, in colegio fono balotadi 4 gastaldi di le procuratie, facti da anni 8 in [166] qua, juxta la parte; et licet alcuni non fosseno veri veneti, tamen rimaseno. I qual fono Zuan Fazuol, Hironimo Enzo, Pollo de Rizardo et Jacomo Draganello, el qual ave 9 di no et rimase; sì che è stà gran remor e puocha lana etc.
     
     
     
      Queste, è alcune depositiom, mandate a la Signoria per il rezimento di Cypri, et lete im pregadi a dì ... octubrio 1507.
     
      A dì 24 avosto 1507, in Cypri.
      Deposition fata a li magnifici signori rectori di Cypri per domino Priamo Malipiero, del magnifico missier Dionisio, novamente venuto del Cogno et Caramania. De le nove et cosse del signor Sophis. Dice al suo partir del Cogno, che fu a' 9 de l'instante, el signor Sophis trovavase in campo con exercito potentissimo, per zornate 11 destante de li confini del signor turcho, ne le parte de Trabesonda et Amexia et Tochati. Nel qual exercito dice trovarse haver homeni d'arme a cavalo, armati d'arme bianche, da 40 milia, et pedoni numero infinito, per esser sequitato de numero innumerabile e de done e de puti, et è quodammodo per dio tenuto.