Di Franza, di l'orator, date a Lion. Come Roan va a Bles; etiam lui orator vi va. Item, le cosse di Geler prospera in suo favor.
     
      [172] Di Elemagna, di l'orator, date Alla. Il re è a la caza. El cardinal Santa †, va col re a la caza, credo a quel domino Paulo Lethistener, nomine regio, habi dito la risposta di la Signoria etc. Secrete letere, ut patet.
     
      Fu posto per li savij dil consejo e di terra ferma, atento sia stà preso la parte di far li chatastichi, che se intenda di anni 5 e non più, e poi sia refato, e non per anni X; in reliquis, la parte presa stia. Et qui fo varie disputatione: videlicet, primo sier Alvise da Molin, savio dil consejo; sier Zorzi Emo, savio sora la reformation di le decime; poi sier Antonio Trun, procurator, savio dil consejo, qual vol una altra cossa; poi sier Anzolo Trivixan, savio sora le decime, ut supra. Poi el doxe, qual messe con li consieri, e sier Alvise da Molin, sier Pollo Pixani, cavalier, savio dil consejo, sier Marin Zorzi, dotor, savio a terra ferma, e altri savij, far li chatastichi senza quella zonta: non pagino di mioramenti etc. Parlò poi sier Francesco Trun, procurator, sora le decime, ut supra; poi sier Pollo Pixani, el cavalier, savio dil consejo; poi sier Pollo Barbo, procurator; poi sier Marin Zorzi, dotor, savio a terra ferma; et ultimo sier Tadio Contarini, qual vol guaianza, far che li X savij vadi inquirendo e non si fazi altro; sì che X parlò in questa materia. E andò 3 parte: di el serenissimo e altri; di sier Antonio Trun, procurator, vol indusiar, e questa altra setimana il colegio vengi con le so opinion, in pena etc.; la 3.a di altri savij, vol far li chatastichi di anni 5. Or, di queste parte fu preso di largo la indusia; e quella dil doxe fo mejo di l'altra.