Di Elemagna, di sier Vicenzo Querini, orator nostro, di ..., date a Brunich. Come il re è andato versso Costanza, dove è adunà assa' zente; e si dice torà l'impresa per la via di Savoja. Item, hessendo in Alla, a dì ... di octubrio, li mandò a dir, che havendo inteso la risposta di la Signoria, la qual non la intendeva, et che 'l volea saper se la Signoria vol dar ajuto a Franza, o non, contra di lui, e se risolvi; et perhò esso orator andasse a Brunich, dove stesse zorni X, et in caxo non havesse altra resolution di la Signoria, si dovesse levar e andar via. El qual loco di Brunich è vicino a Butistagno etc.
     
      Di Riva, di sier Marco di Renier, provedador. Alcuni avisi di zente di sopra; et cavalli 600 si aspetava a Trento, e li preparava le stanzie. Et altri avisi, ut in litteris.
     
      Di Roverè, di sier Zuan Francesco Pixani, podestà. Di nove aute per soi exploratori di le cosse ut supra: sì che è motion di zente.
     
      Fo posto per sier Lunardo Grimani, savio dil consejo, certa opinion zercha questo orator, quello l'habi a far etc. Et parlò contra sier Andrea Venier; li rispose sier Antonio Trun, procurator, savio dil consejo. Andò la parte, et fu presa: videlicet, che [177] non hessendoli mandà a dir altro per il re al dito orator che 'l resta, che 'l si parta et vegna a Butistagno, e lì aspetti risposta e ordine di la Signoria.
     
      [1507 11 07]A dì 7. Fo gran consejo. Et balotà la gratia di sier Domenego Capelo, el grando, et di sier Marin Gradenigo. Fono prese. Ma una di sier Michiel Salamon, balotà 2 volte, ave 1100 e più balote; pocho li manchava, et non ave il numero.