Et qual [198] scrive una letera a la Signoria, e non fo leta im pregadi; et prega la Signoria li fazi bona risposta, ringraciandolo. Item, si preparavano per passar in Fiandra etc.
     
      Di la comunitą di Roverč, a la Signoria. In laude di sier Zuan Francesco Pixani, lhoro podestą, che si porta ben; č disposto a viver e morir con lhoro, et non fu vero mandasse niun di la soa fameglia via etc. Ringratia la Signoria di le provision, e si ricomanda.
     
     
      Exemplum litterarum regis Portugalliae
      ad Julium pontificem maximum.
     
      Sanctissimo in Christo patri ac beatissimo domino, domino Julio, divina providentia summo pontifici, devotissimus ejus sanctitatis filius, Hemanuel, Dei gratia rex Portugalliae et Algarbiorum citra et ultra in Africa, dominus Guinae et conquistae navigationis ac commercii AEthiopia, Arabiae, Persiae atque Indiae, humillima pedum beatorum oscula.
      Laetetur et exultet sanctitas vestra, beatissime pater, quod a solis ortu usque ad occasum germinat omnipotens Deus justitiam et laudem suae catholicae fidei et isti sanctae sedi coram universis gentibus, dum pro sua pietate in finibus terrae prosperum quotidie iter facit, vobis subjiciens per nos christianae religioni novas gentes ac terras. Quare dissipentur jam inimici ejus et fugiant qui oderunt ipsum a facie ejus. Vident insulae et timent; extrema terrae obstupent; conturbantur saraceni; dare videtur jam vocem suam Altissimus et moveri terra, mare et plenitudo ejus in maximum christianae gloriae et infidelium dejectionis portentum, adeo ut mysterium indicae et orientalis operationis nostrae, quod adhuc privato forsitan decori nostro et utilitati inservire videri potuit, non tam nobis, quam isti sanctae sedi et christianae reipublicae revelatum jam et laboratum clarissime appareat.