Ex oppido Abrantes, XXV° die septembris, anno 1507.
     
     
     
      Copia de una letera dil signor soldama la Signoria nostra, portada per Tangevardi,
      suo ambasador, el qual zonse a Venecia
      a dì 17 setembrio 1506 con la galia sotil,
      soracomito sier Francesco Pasqualigo,
      quondam sier Vetor,
      et è translatada di morescho in latim, ut infra.
     
      Questa è la mansione:
      A la excelentia del doxe, religioso, discreto e valente, viturioso e prosperoso cavalier alla natiom del christianesimo, honor de la fede de la croxe, doxe de Veniexia et alto doxe de la fede del batesemo, amicho de li re e de' soldani, Dio el prosperi e pacifichi, patrom de Veniexia.
     
      Dentro la letera el titolo dil soldam:
      Al nome de Dio misericordioso e miserator, soldam grando, el asaras, re de i re, signor di signori, signor forte, justo, combatente e viturioso, spada del mondo e de la fede del soldam de' mori e dil moreximo, sussitador de justicia nel mondo, vendichator de quelli che son judichati a torto, sotto metendo el forte liom Alexandro al presente reposamento del tempo, meritator del bem e credullo de le parolle de la fede, consignador de le sedie e corone, vincitor de le terre inexpugnabile, donator di regni e provincie del Chajero, inimicho di impij traditori e malfatori, redador di regni, soldal di arbi e asami e turchi, servo de' do luogi nobeli, signor di armini e de i do mari, alla misericordia sopra di lui e de suo paexe, oservator de la sua leze e suo' comandamenti, soldam del mondo, signor de le terre, signor di re e di soldani, vichario del challifa', Ebunansar Cason el Gavni, Dio el mantegna el suo soldanesmo, e dia vitoria a la sua zente e suo' ajutatori.