Al presente, parechiè el vostro ambasador, e man-datillo a le nostre Porte altissime; e che diga la generazion veniziana hanno abudo despiazer de li canzelieri de la terra di Alexandria e marchadanti del dachieri la nobelle. E non dise quelli che i à fato de i tradimenti, che de le cosse che i hanno fato mai non è stato uxanza in nel tempo pasado; e se dimandano consuetudine antiga, e lhoro sono quelli à fato el torto per la novità novamente fata, che i vollevano che queste cosse contenisse, e che andasse di longo. E questo non el vojo far mai, perchè el nostro tribunal dignissimo non vol desconzar el governo pasado de la segnoria morescha. Ma el piper mentoado dixese che xe stà a requisition del signor soldan. Queste xe cosse non in ascoso da voi, perchè tal cosse xe spazade per man dei signori e testemonij e scrivani e la poliza de li pexadori; e hanno [207] fato poliza de tal cossa, segondo l'usanza de quello, a termenaziom del primo pato; et i merchadanti à fermado, per lhoro confession, de quello è fermado per el chadì mori; e de tal cossa non si pol rivochar per modo niuno. Da poi quello, quando s'è venuto l'ambasador del doxe, im pie' dananzi de nui, dignissimo, per el piper mentoado, per nostro comandamento nobelissimo ai marchadanti veniziani, dove se agrievano dil ditto piper mentoado, e che vollevano desmeter la carta del pexador, la qual cossa si è uxanza antiga, como lhoro sanno, che al tempo dei soldani pasadi i marchadanti mori, merchadanti veniziani per i anni passadi de la poliza del pexador; e desmeter cosse antige di anni pasadi e dei soldani pasadi e marchadanti pasadi, che tornano tutto el piper de la dechiera nostra nobele, trato fora de li nostri magazeni.