L'anderà parte, che, attentis praemissis, sia risposto al ditto ambasador per li deputati nostri, da po' premesse quelle acomodate parolle gli parerà a preposito, in declaration de la bona mente et disposition nostra verso la excelentia del signor suo, che, quanto apartièm al mandar del suo messo, remetemo tal deliberation a lui, che 'l fazi quel li par sia per esser piuj a preposito a la votiva execution de la cossa, Quanto autem a le galie et nave, che desiderio de la Signoria nostra è sempre stato de [212] far quelle navegar, possendole far navegar con segurtà, ma che merchadanti, visto i modi et termeni usati a le galie passate, con dificultà se meterano a tanto pericolo et sbaraglio; pur, se per el signor soldan sarà conzesso, che 'l sia in libertà del capitanio partirse ad ogni suo beneplacito e con epse galie, et cussì etiam le nave, come fano quelle di tutti i altri viazi, senza dimandar nè tuor altra licentia, et che tute altre dificultà siano adaptate, come è stà parlato, le galie et nave nostre si mandarano al solito, et farasse la election del consolo nuovo, come ricercha la bona amicitia havemo con el prefato signor soldan, et è consuetudine nostra anticha, servata continuamente ne i anni passati, con beneficio et utele de l'uno et l'altro stado. Et da mo' sia preso de scriver per questo messo al signor soldan, in responsion de le sue, in questa forma:
     
      Serenissimo domino sultano.
      L'è stato a la presentia de la Signoria nostra el magnifico Tangrebardì, ambassador di vostra excelentia, aceptato et honorato da nui con jucondo et allegro volto, sì per rispeto de essa excelentia vostra, quale in ogni tempo havemo proseguito de summo amore et benivolentia, sì etiam per le degne parte et honorevel condition de esso ambasador.