Aspeteremo adunque la risposta de la excelentia vostra; et come sapientissima et prudentissima, considererā bene la perseverantia et fermeza de questo stado, demonstrada in ogni tempo, con tanta realtā et sinceritā, versso quel excelentissimo soldanadego, lo qual non ā mai variado, nč im parte alcuna mutā la sua summa benivolentia verso de quelo, ne č per mutare, volendo cussė la excelentia vostra, come pių a pieno havemo fato intender a l'antedicto magnifico ambasador. Quale non dubitemo gli dinoterā el tutto, essendo homo savio et prudente, et che ā ben considerato le parole li habiamo dicto in risposta de la ambasata sua, che, per non atediar la excelentia vostra, non replicheremo altramente. El signor Idio, dal qual procede ogni bene, se degni prestar l'auxilio suo in ben adaptar e asestar el tutto, et inspiri vostra excelentia a dar la conveniente punitione a chi n'č stā causa de meter questi schandoli et disturbi, et che ā subvertė et ruinā ogni nostra bona consuetudine, con damno et jactura de l'un et l'altro stado; il che sarā de summa laude et gloria de la excelentia vostra, satisfatione di boni et exterminio di cativi. I anni de la qual pregemo el signor Idio siano molti.
      Et ex nunc sia preso et firmiter statuito che, per non disturbar la presente tratatione, de la importantia che ognuno intende, non possi alcun citadim nč subdito nostro, et sia cui esser si vogli, perfino non sia fata altra deliberation per questo consejo, quovis modo mandar nč andar in Alexandria, nč in alcun'altra parte de l'Egipto, con merchantie di sorta alcuna, soto pena di perder le robe et bandizā per anni X di questa citā. Di la qual pena, la mitā sia di l'acusador, e l'altra mitā vadi a l'arsenal nostro, non si posando de quella far alcuna gratia per alcun modo.