Etiam fo mandà Andrea Vasalo, capitanio, a Padoa, a zercharlo a la sua caxa, a la sarasinescha, et non fu trovato; sì che è incolpato di monede etc.
     
      [1507 12 10]A dì 10. Fo etiam pregadi; et leto 3 letere solamente. Fo gran disputatiom in la materia secreta, cazado li papalista, et tandem la sera fo poi scrito in Franza. Et stete suso pregadi fino horre 3 di note.
     
      Da Constantinopoli, di sier Lunardo Bembo, baylo, di 21 octubrio. Come li bassà havea mandato per lui, a dirli come Sophì era ritrato e fuzido per le zente di Alidulli, et, si 'l non scampava, era morto; sì che, di questa vitoria, el signor mandava uno so messo ala Signoria a ralegrarssi, come so amiga. Item, di la morte dil fiol dil signor turco, nominato ..., qual stava in Magnesia. Item, dil zonzer lì a Constantinopoli la galia dil bassà, fo Mora, venuta di Modon. Dice aver scontrato nostre galie, et averli fato bona compagnia, li piace etc.
     
      Da Corfù, dil provedador di l'armada, di ... novembrio. Dil zonzer lì uno galion turchesco, stato ... Qual dice aversi difeso da le barze di Piero Navaro; sul qual erano alcuni turchi, che con la fusta fe' danno a' nostri. El provedador di l'armada di questi ne à fato apichar ...; et che il patron dil galion à ditto à fato ben, perchè a Constantinopoli il signor li aria fati apichar, si havesse inteso questo etc.
     
      Di Verona, et di sier Zorzi Emo, provedador, vene letere, date a Brentonega. Qual per le disputation non fo lete.
     
      Fu posto, per li consieri et savij, che la causa di 3 savij con li Pexari, fo dil zeneral, et Piero di Rizardo, fo suo scrivan, qual fo menà im pregadi et non expedita, sia commessa a tutte tre le quarantie, e lì sia expedita.