Questo caso a la Signoria, e tutta la terra, li parse molto stranio; e per la Signoria fo scrito per tutto, questi fosseno retenuti; et fo commesso a li avogadori formasseno diligente processo. Il corpo dil defunto fo portato a Santo Job, e ivi sepulto.
     
      Da poi disnar fo pregadi. Et leto le infrascripte letere:
     
      Di Zara, di sier Piero Dolfim, conte, et sier Bernardo Bondimier, capitanio. Di certa incurssion sequita, per martalossi e altri croati, su quel teritorio; menato via assa' animali grossi et menuti, ut in litteris. Et essi rectori si hanno mandato a doler. Li è stà risposto, quel ban, qual è per nome dil re di Hongaria, par per soi mensfati sia stà dismesso; unde lui si à volesto far forte di danari, perhò à fatto ditta incurssion, ut in litteris etc.
     
      Di Londra, di sier Piero Tiepolo, consolo. Come è restato lì assa' baloni di lana, che le galie non li hanno potuti levar; de che l'aricorda, la Signoria vol ordinar possino esser levati con ogni navilio, come alias è stà fatto. Item, à referido al re le nove di Sophì; ringratia la Signoria etc.
     
      [249] Da Riva et Roverè. Nove et relatione di le cosse di sopra dil re di romani, qual è a Bolzan. La dieta finita, fata in la chiesia di San Domenego per do zorni, dove è stato il re; e hanno terminato darli ogni ajuto a la incoronatione, e darli le zente etc., ut in litteris. Item, a Trento è arivà cavali 500 et fanti ...; e che si feva gran preparation, perchè si aspetava il re con assa' zente. Conclusive, verano a' danni di la Signoria nostra, ut in litteris.