Il re va a la caza; tamen è a questi confini da 4000 cavali et 3000 fanti; et il dì di Santa Aga' saria il re a Trento, verà etc. Nota, per le altre si ave, si faria in Lubiana, a dì 5, una dieta. Item, par domino Antonio di Constabeli, orator dil ducha di Ferara, è stato ferito da uno todesco de lì. Item, zente zonte versso Agresta.
     
      Di Verona, di rectori, et anche il provedador Emo scrive seperado, di Verona. Relation di exploratori, ut supra. Et di l'expedir di l'araldo dil re di romani, al qual li pagono le spexe, e li dete el podestà la letera in risposta, et lo fe' acompagnar al capitanio dil devedo fin a li confini. Et altre occorentie, ut in litteris.
     
      Di sier Zorzi Emo, provedador zeneral. Come mandò danari in campo per sier Marco Antonio Moro, camerlengo di Verona; et mandò per sier Andrea Morexini, di sier Zustignan, certi danari a pagar altrove etc. Item, il capitanio zeneral è venuto, di Gusolengo, lì a Verona, a consultar dove se dia far la massa di le nostre zente; et varie opinione, qual le manderà in scriptis. Et è insieme con domino Alexandro Triulzi, orator regio, qual è lì in Verona; et che si tien, il re di romani verà a far qualche novità, et che se ingrossa di sopra.
     
      Di Udene, di sier Andrea Loredan, luogotenente. Di fortification a certi passi. Et manda una letera di sier Jacomo Sagredo, castelan a la Chiusa, lo avisa, todeschi lì vicino esser adunati; et che li tien le vituarie etc. Item, a Goricia e Cremons et Pordenon si fortificha, e porta tutto in li castelli; tutto signal di guerra.