E prima:
     
      Janizari, restati a la Porta del gran signor, " 6,500
      Asapi, forno scripti et non recolti, " 30,000
      Alechingi, zoè stratioti, da " 15,000
     
     
      Questo è referito per mi Bernardim Zipello, el qual sum stato dal principio in fina a la deliberation, che fu a dì 20 dezembrio 1507.
     
      El campo del Sophì veramente, come fu revelado per un spion mandò el signor del Cogno, se divulga dicto Sophì non haver salvo diexe milia homeni, armadi lori et lhor cavalli. Tamen, atrovandome mi da Gagi Sinam in el churbai del dicto signor, disse, dicto Sophì haver homeni e cavalli numero 30 milia, coverti loro et lhor cavalli, et teribeli combatitori, che zà mai se renderano, ma ben volevano morir al nome del so signor.
     
      Item, uno altro exercito inextimabile, da 200 milia in su, intra li quali sono christiani da 15 milia. El qual campo, parte de esso, vene fin a Chaisari, zornade 4 in tel paese del gran turcho; et el flambular et populo de Chaisaria, per paura, li mandò a presentar rixi, bestiami 2000, vin, orzo, et formento, et cavalli, et de ogni altra cossa sape domandar. Et da poi disse, che voleva per li soi danari tutto quello che li bisognava, sempre digando non haver guerra com dicto gran turco, ma el suo inimico esser Aliduli; et che Dio el mandava, et a cui non piaseva vegnesse a l'impeto. Et dicto suo campo, con grandissima obedientia, tutto quello tolevano pagavano.
     
      Cussì andò a dosso de dicto Alidulli, el tanto che lo redusse in la più extrema montagna lui habia, chiamata Tornadave, idest montagna Bella Gruva.