Da poi disnar fo consejo di X simplice, et [283] colegio da per sì a consultar. Et vene letere di Verona, di 9, hore 7 di note, et do poste di vicentina, di sier Vicenzo Valier, et da Feltre. In conclusion, in vicentina se ingrossano todeschi; et è zonte le bombarde et artilarie etc., ut in litteris.
     
      Nota, a hore 22 li do provedadori electi veneno zoso dil consejo di X, et si partino questa serra per Padoa.
     
      Di Verona, di 9, hore 7. Come erano stà a parlamento il capitanio zeneral et il provedador Emo, a Valezo, con missier Zuan Jacomo Triulzi, e terminato andar tutti a Seravalle, ch'è loco nostro, vicino a Roverè, e lì far testa. Et cussì era stà terminato; et che fin do zorni el saria, con 3000 cavalli et 4000 fanti, videlicet spagnoli e italiani ch'è con lui, in mantoana, in veronese, et si uneria con le nostre zente, le qual in questo mezo fusseno preparate andarvi a Seravalle; e fo comandà far li ponti sora l'Adexe, lì a Seravalle. Item, dil zonzer lì in veronese domino ... con la sua compagnia, vien di brexana; et aspectava il conte Bernardin, vien di cremonese con la compagnia; adeo tutti nostri erano reviviti, et era fama etiam andar a campo fin a Trento. Item, le galie, è a Lacise, sono in hordine e si potrà navegar; sì che, mandando il capitanio, si buterà in aqua, e li homeni sarà preparati. Item, che non li mancha si non strami, adeo fo scrito im padoana li mandi strami, e im brexana; etiam cari di padoana.
     
      Di sier Vicenzo Valier. Dil zonzer lì a Bassan missier Jacomo Secho, con la sua compagnia, a dì 9; et a dì 10 saria il signor Bortolo d'Alviano, vien di Friul.