Erano 4 consieri, perchè sier Pollo Pixani, cavalier, venne etc.
     
      [1508 02 20]A dì 20. Fo gran consejo. Et pur dil consejo di X, che fo la prima voxe, niun non passò; sì che è stà facto 3 volte.
     
      Vene letere di le poste, con avisi di Roverè, che todeschi haveano fatto danno a una villa di Roverè, chiamata ..., sì come dirò di soto. Et questo è stà 200 cavali et alcuni fanti, qualli si presentono sotto Roverè etc.
     
      [301] Item, la sera vene uno corier di Hongaria, con letere, disse aver visto da fanti 3000 et più versso Lubiana a la volta di Friul. La qual nova, intesa per li padri di colegio, mandono a dir a la Signoria, a gran consejo, per Gasparo di la Vedoa. Et questo, perchè molti di colegio voleano di danari di la tansa, che fin qui è stà scosso da ducati 60 milia, et è stà spesi ducati 15 milia et non più di tal raxon; et atento, che pre' Lucha di Renaldi, orator regio, dovea venir et si aspectava, voleano franchar monte nuovo et recuperar avanti intra marzo, et non si dagi il pro'; tamen, inteso tal nove, non volseno fusse mossi, ma, licet il tempo fusse passà, si atendesse a scuoder.
     
      [1508 02 21]A dì 21. Fo pregadi. Et leto le infrascripte letere:
     
      Di Hongaria, di 7 di questo. Avisa, come l'orator dil turcho havia auto audientia, qual si ra-legrò di esser varito il re, et lo salutò da parte dil suo signor. Item, li avisava che, hessendoli venuto contra quelli non tien ni una ni l'altra secta, e portano le barete rosse, et havendoli mandato contra, li hanno fato retrar etc. Item, dil zonzer lì a Buda l'orator dil re, stato a Constantinopoli, con la renovation di le trieve e pace.