Di Feltre et dil provedador Dandolo. 0 da conto; provision etc.
     
      Di Cividal, di sier Alvise Dolfim, podestà et capitanio, più letere. Come la Piove di Cadore era stà presa da' todeschi, qualli erano callati zoso con le grapie ai pie' etc. Et provision fa et à fato.
     
      Di Seravalle, di sier Lorenzo Minio, podestà, di 24. Come à 'uto nova, todeschi aver auto la Piove di Cadore, et si provedi a Seravalle.
     
      Di Butistagno, di sier Francesco Zane, [307] provedador. Come si li proveda. Et che à bon animo, e non dubita; è adunation di zente di sopra.
     
      Di Cadore, si ave prima di sier Piero Gixi, capitanio, di 22. Vol zente e artilarie; si dice, todeschi vien da quella banda.
     
      Di sier Zorzi Corner, el cavalier, provedador zeneral, date a Bassan. Come, inteso la nova di Cadore, subito à mandato il signor Bortolo d'Alviano e le zente lì va drio. Etiam lui provedador va drio, batando a Cividal; et rimarà in vicentina sier Vicenzo Valier, provedador.
     
      Di Udene, dil locotenente. De occurrentiis; et si provedi a la Patria. Si dice, todeschi verà da quella banda etc. Et si fazi uno provedador a Gradischa, dove è sier Zuan Alvise Venier, mandato per gran consejo.
     
      Fu posto, per li savij, elezer de praesenti uno provedador a Gradischa con pena, con ducati 80 al mexe, et meni con sì 5 cavalli, e vadi via damatina. E fo electo sier Zustignan Morexini, fo provedador in campo, quondam sier Marco, qual era a la villa a Carara im padoana. Et cussì vene, aceptò et a dì 28 partì.
     
      Fu posto, le nave di Soria habino muda X dì poi zonte.