Presa.
     
      Fu posto, per li consieri, che tutti quelli hanno robe e aver, di che condition si sia, di li Agustini dal banco, si debino andar a dar in nota, in termene di zorni 8, im pena di ducati 500, dividendis ut in parte. Ave tutto il consejo. È da saper, questi Agustini à malla fama; et li capi di creditori hano visto i libri: dieno dar ducati 113 milia; et hanno lhoro tochà ducati 65 milia, sì che, si pol dir, hanno voluto fallir con li danari d'altri. Sono in li Servi; et prima il suo era stà mandà via a Mantoa.
     
      Fu posto, per li savij, far 500 cavali lizieri immediate per il colegio, et mandarli in Friul e dove bisogna. Item, il colegio habi libertà di far ogni provision etc., zente etc.
     
     
      Electo provedador a Gradischa.
     
      Sier Polo Valaresso, fo rector e provedador a Napoli di Romania, quondam sier Cabriel.
      Sier Filippo Badoer, fo soracomito, quondam sier Zuan Cabriel.
      Sier Lorenzo Loredan, fo soracomito, quondam sier Piero.
      Sier Jacomo Michiel, fo auditor nuovo, quondam sier Biaxio.
      Sier Zorzi Simitecolo, fo soracomito, quondam sier Zuanne.
      [308] Sier Pexaro da cha' da Pexaro, fo soracomito, quondam sier Francesco.
      Sier Zuam Moro, fo soracomito, quondam sier Damian, quondam sier Zuan, procurator.
      Sier Francesco Zigogna, è di la zonta, quondam sier Marcho.
      Sier Antonio Bon, fo provedador in Albania, quondam sier Fantim.
      Sier Jacomo Manolesso, fo provedador sora i stratioti in Dalmatia, quondam sier Orsato.
      Sier Zuan Maria Malipiero, el grando, di sier Piero, quondam sier Marin.
      Sier Marco Marcello, quondam sier Jacomo Antonio, el cavalier.