Sier Vicenzo Gradenigo, fo camerlengo a Padoa, quondam sier Domenego, cavalier.
      Sier Filippo Capello, di sier Pollo, el cavalier, triplo.
      Sier Pollo Nanni, quondam sier Zorzi, triplo.
      Sier Marin Falier, fo podestà a Conejan, quondam sier Luca.
      Sier Alvixe Pixani, quondam sier Nicolò, quondam sier Carlo.
      Sier Jacomo Manolesso, fo provedador sora i stratioti in Dalmatia, quondam sier Orsato.
      Sier Lunardo di Prioli, fo provedador ad Axola, quondam sier Marco, dopio.
      Sier Francesco Mocenigo, fo a la tavola di l'intrada, quondam sier Piero, triplo.
      Sier Piero Antonio Morexini, savio ai ordeni, quondam sier Justo, dopio.
      Sier Ruberto Morexini, quondam sier Alvise, da Sant'Aponal.
      Non. Sier Carlo Contarini, fo savio ai ordeni, di sier Panfilo.
      Non. Sier Jacomo Antonio Tiepolo, fo avochato grando, quondam sier Matio.
     
      [333][1508 03 04]
      A dì 4 dito. Da poi disnar fo pregadi, et leto letere. Et la matina, a nona, vene letere di Roverè, di sier Zuan Francesco Pixani, podestà, et sier Zuan Diedo, provedador, di 3, hore ... di note. Avisa, che il campo di todeschi era a campo a Castel Barcho nostro, et a horre do di note sentivano bombardar; et che poi la matina inteseno, il castelan, o ver contestabile era lì, aversi reso salvo l'aver e le persone. Et nota, era dentro il castelan vechio e do contestabeli novi, Matio dal Torazo, cremonese, con fanti 60, et Hironimo di Vicenza, di lanze spezade dil capitanio di le fantarie, con 50. Et che questo Matio si tratò rendersi con uno Crivello, milanese, era in campo di todeschi.