Sier Pexaro da cha' da Pexaro, fo soracomito, quondam sier Francesco.
      Sier Alexandro Pixani, fo provedador a Brisigele, quondam sier Marin.
      Sier Domenego Pizamano, quondam sier Marcho.
      Sier Pollo Contarini, quondam sier Pollo, fo provedador sora i stratioti.
      Sier Marco Marzello, quondam sier Jacomo Antonio, el cavalier.
      Sier Piero Soranzo, el grando, quondam sier Zuane.
      Sier Mafio Viaro, fo provedador a Riva, quondam sier Zorzi.
      Sier Zuan Moro, fo soracomito, quondam sier Damian.
      Sier Lorenzo Minio, quondam sier Almorò, el grando.
      Sier Alvise Barbaro, fo provedador sora la camera d'imprestidi, quondam sier Zacharia, cavalier, procurator.
      Sier Nicolò Balbi, fo provedador a Brisigele, quondam sier Marco.
      Sier Pollo Loredam, quondam sier Francesco, quondam sier Alvise, procurator.
      Sier Vicenzo Barbaro, fo auditor nuovo, quondam sier Berti.
      Sier Luca Miani, fo 40, quondam sier Anzolo.
      Sier Jacomo Manolesso, fo provedador sora i stratioti in Dalmazia, quondam sier Orsato.
      Sier Zorzi Trivixam, fo soracomito, quondam sier Andrea.
      Sier Marco Gradenigo, fo soracomito, quondam sier Zusto.
     
      [1508 03 06]A dì 6. La matina fo letere dil Corner, provedador, di 5 da matina, di Cadore. Come in quella horra si partiva, con 600 cavali lizieri, per vegnir versso Cividal, poi Seravale, Conejam et Friul. Et faria la mostra di le zente nostre per darli la paga, [339] etiam per saper il numero di quelli è stà morti in queste bataglie; tamen, in tutto, de' nostri non è morti ..., et cavali ... Item, lassa in Cadore provedador sier Zuan Foscarini, suo zenero, con bon numero di provisionati, zoè el Malfato con la sua compagnia di fanti ..., et Hironimo Bariselo con fanti ..., e provisto di custodia a certo passo; ita che le cosse di Cadore è secure.