Di Cadore, di sier Zacaria Loredam, provedador. Questo medemo. Et che ha pochi fanti, per esser scampati; et si provedi etc.
     
      Di Udene, dil luogotenente e il provedador. Come vanno col campo a Tresesimo alozar. Item, provisiom fate a li passi; e nomina tutti li passi di Cadore fin in Friul. Item, la incurssion fata in su quel di Monfalcom, come ho scrito etc.; et li mandava stratioti e fanti ĺ, e altre monition per la rocha.
     
      Di Gradischa, di sier Zustignan Morexini, provedador, di ... Come andava a Monfalcom per proveder etc. Item, sequita la incursion su quel di Monfalcon, nostri stratioti non poteno restar, che corseno su quel di Cremons e ville circonstante dil re, feno preda 1300 piegore et 50 bovi etc.
     
      Di Cividal di Friul, di sier Donà da Leze. Questo medemo, di la incurssion fata per nostri stratioti. Item, à fato far ĺ uno bastion.
     
      Di Monfalcom, di 16, di sier Zuan Francesco da Canal, podestà. Come quelli di Duin e San Zuane hanno armà uno bregantin, et hanno preso una barcha, veniva a Venecia con done, e tolto le letere veniva a la Signoria, per le qual avisava la forteza era mal in hordine etc. Item, à scrito a Udene; et li provedeno etc.
     
      [363] Noto. In questo zorno, inteso tal cossa, fo mandati zoso di pregadi sier Anzolo Trivixan et sier Zacaria Dolfim, executori, i qualli immediate armono do ... di banchi ..., et le mandono in questa note via per prender ditto bragantin.
     
      Item, eri di note part́ sier Hironimo Contarini, va provedador di l'armada, et questa note sier Francesco di Prioli, in locho di sier Zuane suo fradello è amallato, che va sopracomito di l'altra galia sotil; et vanno a Pyram, dove è le galie bastarde, et aspecterano quid fiendum.