La qual cossa à bonazà li capitanij a non licentiarli, et starano in campo.
     
      Da Milam, dil secretario. Zercha sguizari, sperano averne. Item, dil partir dil re da Burges, a dì 20, con gran pioza, et sarà a Lion a dì 25. Item, manda il resto di le zente e fanti di qua.
     
      Di Franza, di l'orator nostro, date a Emoliano, a dì 21. Dil partir, a dì 20, il re e Roan da Burges per Lion con pioza, e sarano fin 3 zorni a Lion. Item, in materia ligae, si aspeta il formar di capitoli; era zonta risposta di Spagna, et alia etc. Item, che 'l re de Ingaltera steva malissimo e fuora di speranza di vita; tamen guarite, come scriverò di sotto.
     
      [374] Fu posto, per li savij, dar la compagnia di 60 homeni d'arme, era dil signor Carlo Malatesta, morto sotto Cadore; dil numero di qual sia cernito 40 homeni d'arme, e dati al signor Pandolfo, suo fradello, con questo, che la 1/2 dil caposoldo sia dil fiol dil quondam signor Carlo, fin l'haverà etade legitima, poi la conduta sia soa. Presa.
     
      Fu posto far, de praesenti, uno provedador a Butistagno, in loco di sier Francesco Zane, qual fo mandato per il consejo di X, con ducati 40 al mexe, et meni 3 famegij, netti per spexe. Andò do parte: una di far con pena, l'altra senza; fo preso senza pena, di largo. Et fono tolti numero 39; e rimase sier Daniel da Canal, fo a le raxon nuove, quondam sier Piero, di anni 70; e la matina refudoe.
     
      Fu posta una letera a sier Zorzi Corner, el cavalier, provedador zeneral, è in Friul, che, cercha il signor Bortolo d'Alviano, concludi fino ai 30 milia, come el pol.