Sì certo che questo termine parerà longo, et più a nuj che semo sul fato; ma meglio è stato cussì, sperando non sia per venir socorso alcuno; et poi, quando se havesse comenzato a trazer, non credo el se haria hauta in 4 nè 5 zorni; et poi se haria convenuto star con lo exercito [426] in Goricia, per fina che se fosse restaurato dito castello per segurtà sua; perhò s'è acetato l'acordo. Et azò non si maravegli la causa di questo tempo, è che 'l capitanio è homo da conto e di gran coragio, et li par salvar l'honor suo tenendose questo tempo, non venendo socorso, come lui dice non lo sperar. Tamen se ha piantato le artilarie a loco suo dentro de la terra, im perfetissimo locho per offender el castello; et lhoro mai hanno trato, che è stato bon segno che l'acordo habi locho. El capitanio non ha mai voluto atender a partito li sia stà fato di danari; ma l'acordo è stà tratato per doi spagnoli, homeni da conto, se trovano in castello, con i quali si ha composto di darli ducati 4000 in contadi per poliza di banco. Questo se ha fato per averli dentro benivoli, et che siano causa la rocha se doni per aver la imbochada, maxime che sono homeni de extimation a presso questo capitanio, et sono stà boni instrumenti di tal acordo. Se atenderà a le promesse, qual se harano a mandar per la Signoria nostra. El magnifico proveditor è pur alquanto resentito, tamen, per la bona nova, doman si farà portar in Goricia per risetar molte cosse, cussì di la terra come di le fantarie e zente d'arme etc.