Lasserò judicar a vostra magnificentia circa questo, e mi non resterò, se mi troverò qui al tempo novo, scriver ogni suo processo. Ben voria l'havesse tolto la volta del Cairo et non de sto paese; ma le cosse sopranarrate me induce a creder e' sij per venir de qui, che li è più propinquo et senza contrasto. Vederemo etiam meglio intender la risposta facta dal soldan al dicto suo [532] ambassador, de breve si aspecta de qui dal Cairo di ritorno.
      Me disse etiam dicto franzoso, che l'aldite dire nel campo da alcuni persi, che Sophì ha dicto, del tutto voler destruzer Jerusalem et renovarlo; et che l'ha in animo cosse grande, che per non parer tropo credulo a quel se dice, pretermetto et non scrivo.
      Non risterò significar a vostra magnificentia, como, poco da poi el partir de le galie, veneno qui dui frati de San Francisco observanti; uno, et el mazor de elli, qual era de nation francese, et al tempo de Alexandro, prothonotario, qual partite da Venetia cum le galie dal traffego, qual, vista Alexandria, andò al Cairo et ad Monte Sinai, et subito sono venuti qui in Damascho, et stati cinque over sie zorni, andò ad Baruto et lì stete un zorno, tornò iterum a Damascho, et poi el sequente zorno iterum tornò al Cairo, per tornar su le galie de Alexandria, et andar a Rhodi, et de lì a Constantinopoli. Questo bon padre se ha lassato intender, che l'era venuto ad explorar el paese, per haver facto accordo li eccelentissimi re de Franza et Spagna di expugnar li infideli, et esser venuto, nomine suo, ad tal exploration; et ègli stà dato qualche fede per la grande spesa el facea, et molti danari el si trovava.