Era di natione ...
     
      Fo balotadi in colegio li capetanij dieno andar a far la mostra. E, balotadi tuti li rectori, rimase: in cremonese, sier Polo Capello, el cavalier, capetanio di Cremona; im brexana, sier Zuan Paulo Gradenigo, podestà di Brexa; in vicentina, sier Vicenzo Valier, capetanio di Vicenza; et in Friul, sier Andrea Loredan, luogotenente di la Patria di Friul. E terminato farla, sì come di soto scriverò dove et quando.
     
      Da poi disnar fo colegio di savij ad consulendum.
     
      [1508 07 30]A dì 30, domenega. Fo letere di Udene. Come ozi, juxta i mandati, sier Andrea Loredan, luogotenente, anderia a Pordenon, a far la consignation di quella rocha, terra e teritorio, al signor Bortolo d'Alviano etc.
     
      [596] Da poi disnar fu gran consejo.
     
      [1508 07 31]A dì 31. La matina fo in colegio domino Dionisio di Naldo, cavalier, stato a' servicij nostri con 1000 provisionati, in veronese et in campo. Fo charezato dal principe; et vene acompagnato da amici patricij.
     
      Da poi disnar fo consejo di X. Feno capi per avosto: sier Bernardo Barbarigo, sier Marin Zorzi, dotor, et, nuovo, sier Hironimo Contarini, da Londra, fo podestà e capetanio a Treviso, quondam sier Bertuzi, procurator.
     
     
      Copia de un comandamento fato per el signor soldam, et mandato a sier Andrea Bondimier, capetanio di le galie di Alexandria, fato dil mexe di novembrio 1507.
     
      Al nome de Dio. Questo è un comandamento zeneral, che fa el signor soldam al capetanio e patroni de le galie et merchadanti. Idio salva e conferma e faza quello se contieni in quello.