Item, sier Almorò Donado, quondam sier Piero, per aver dato a sier Matio Minio, quondam sier Zuan Domenego, che lo 'l tolse a la camera de imprestidi, danari, che 'l dito sia privo di tuti oficij, beneficij, rezimenti e consegij per anni 3.
     
      Item, contra sier Matio Minio, quondam sier [611] Zuan Domenego, che fo piezo di sier Almorò Donado, a la camera d'imprestidi, e ave danari, come l'à confesà, che 'l dito sia privo di oficij, beneficij, rezimenti e consegij per anni 3.
     
      Di le qual tute condanason non se li possi far gratia, don, remision etc., si non per tute balote 17 dil consejo di X et dil numero di la zonta, e soto le più strete parte dil consejo di X.
     
      Et compito di lezer dite condanation, fo stridà di far podestà e capetanio a Feltre, in luogo di sier Zuan Vendramin, come è stà preso; provedador di comun, in luogo di sier Francesco Foscari, come è stà preso; oficial a la ternaria vechia, in luogo di sier Hironimo Condolmer, come è stà preso; et altre voxe. Et a caxo Jo andai in la 2.a eletiom et mi tochò pregadi, e cambiai e mi fici tuor provedador di comun; et rimase sier Baptista Valier.
     
      [1508 08 14]A dì 14. Da matina il colegio dil consejo di X si reduseno insieme, nescio ad quid, o per expedir il resto.
     
      Da poi disnar, poi vesporo, fo audientia di la Signoria.
     
      [1508 08 15]A dì 15. Da matina, fo il dì di la Nostra Dona, in chiesia di Santa Maria di l'Orto fo consagrà il patriarcha nostro per lo episcopo di Torzello, qual fece le cerimonie solite. Erano do altri episcopi, quel di Chioza et di Chissamo, domino Domenego di Alepo, et erano li soi parenti e altri invidati, in scarlato.