Fo varia opinion etc., tandem tutto fo conzo e si acordono per parte ozi posta: 8 non sinceri, 13 di no, 130 di sì.
     
      Item, sier Polo Barbo, procurator, fo in colegio, qual vol far la cima dil campaniel di San Marco, che si brusò per la saita; et concluso, alcuni di colegio vadi in campaniel a veder.
     
      Item, fu preso, con li provedadori al sal, far uno novo dazio di sal a Trieste, e sia incantado per 8 mexi, acciò vengi a esser equal con li altri dacij di Cao d'Istria etc.; di Pexin e Fiume consulterano poi quid fiendum. Oratori di Cao d'Istria, erano qui a questo effecto, non voriano etc.
     
      Morite sier Nicolò Lippomano, electo podestà di Chioza; in loco suo electo sier Vetor Foscarini, quondam sier Alvise, dotor, procurator.
     
      [1508 09 08]A dì 8, fo la Madona. Non fo 0.
     
      [1508 09 09]A dì 9. Audientia di la Signoria da poi disnar.
     
      [1508 09 10]A dì 10. Gran consejo la matina. Per colegio spazà capitoli di Fiume.
     
      [1508 09 11]A dì 11. La matina fo letere di Candia, di 18 avosto. Come il provedador di l'arma', era stato lì, dovea andar a Rodi, poi inteso Camallì era a Negroponte; non venuto per mal, ma perchè li navilij andasseno seguri con formenti in streto, che da' rodiani non erano lassati andar. El à 'uto letere di sier Antonio da Pexaro, provedador di Andre, che quella isola dubitava assai di Camallì, era andato lì etc. Item, avisi di Cypri, come havia retenuto 14 nave, dubitando etc., come dirò di soto.
     
      Da poi disnar fo pregadi per i synici, sier Andrea Mocenigo, dotor, sier Lorenzo Orio, dotor, sier Vetor Capello, per expedir il caso di sier Polo Trivixan, el cavalier, fo provedador a Sallò, per lhoro [629] intromesso, qual pende.