Item, se rasona che 'l prefatto Sophì havea mandato l'antiguarda del suo campo, de persone cercha 7000, per intender li andamenti de esso tartaro; de la qual non se intendeva altro. Item, che tutti do li exerciti a mezo el presente mexe doveano afrontarse; et che dicto signor Sophì desiderava di atrovarse con le zente de esso tartaro, in luogo che le convengano star saldo a la defesa, sperando la victoria, attento che l'exercito suo è de persone più robuste et de armadure meglio in ordine se ritrovi.
      Una cossa miranda se dice de la obedientia che il dicto Sophì ha dai suo', et l'amor et devotiom li portano, inter reliqua, che quando el cavalcha, el più de le volte se li butano davanti brigate, le qual, oblato capite, rechiedeno esser amazati et voler sparzer el sangue per amor suo, et se fano tagliar la testa.
     
     
      [1508 09 19]A dì 19 septembrio. Da poi disnar fo consejo di X simplice, per expedir sier Michiel Memo et sier Hironimo Baffo, fonno rectori a Napoli di Romania, li qual haveano zà refudado il rezimento lhoro, acciò fosseno più presto expediti. Et cognusuto per il dito consejo di X, che quello fenno fo solum per opinion e garra tra lhoro, tutti do li absolseno etc.
     
      [1508 09 20]A dì 20. La matina vene in colegio, con li soi parenti, il reverendo domino Francesco Marcello, episcopo di Traù, nominato per pregadi episcopo vicentino; et fato uno principio latin, ringratiò la Signoria di la nominatone facta di la persona sua. Et fo mandato tutti fuora di collegio, et ditoli per il principe zercha questa electione, et il papa aver electo suo nepote etc.