È da saper, l'autor di questo era uno Cherea, luchese, qual tramava di aver la loza di Rialto da li provedadori dil sal e cai di X, per recitar dite comedie; unde, per il consejo di X, auctore il serenissimo e consieri, fo preso tal parte.
     
      Ancora fo publicà in Rialto, su le scale, la parte dil stravestir, che più non si stravesta, sub poena grandissima.
     
      In questa matina vene nova, et fu vero, come sora Ancona era rota la nave di sier Pollo Malipiero e fradelli, quondam sier Jacomo, veniva di Soria, carga di gotoni e cenere, per valuta ducati ..., et era di botte ... La qual si à rotto per esser molto carga, et li dete una saita; fo a dì 20 novembrio passato.
     
      [702] Eri im pregadi fu posto, per i savij, e preso, che Zaneto de Tassis, de val Brembana, capetanio di castello novo, dito Rachel, in Histria, dato im pegno a lui per l'imperador per fiorini di Rens 7654, qual si dete a la Signoria, e la villa di Barbana, come si ha per letere dil conte di Puola e dil provedador Corner, che 'l sia restituido al suo castelan, e dagi fideltà a la Signoria etc. Fu presa.
     
     
      Qui sarà notadi, de li triestini,
      quelli fonno obedienti, et quelli no,
      per la parte, presa a dì 23 decembrio, im pregadi.
     
     
      Fuzidi triestini.
     
      Christophal Bossermen.
      Francesco da Chioza.
      Stefano Felsar over d'Ancona.
      Domenego Burlo.
      Castelam Barbo.
      Lazaro Franco fu di Christofolo.
      Pexarin da Pexaro.
      Antonio Gerzez.
      Michiel de maistro Primos.
     
     
      Obedienti.
     
      Mesalto di Mesalti.
      Natal Cygota.
      Nicolò di Mirissa.
      Daniel di Rossi.
      Biazina Belli.
      Zuan Batista di Bononij.