Va con 6 cavalli, a spexe di la Signoria, et andarà di longo a Cividal di Friul, per non vi esser niun representante nostro.
     
      El conte Brunoro di Serego da Verona vene in questa terra, offerendossi; al qual fo terminato darli conduta di 50 homeni d'arme. Era etiam molti contestabelli, voleno expeditione, qualli si deteno in nota, per numero ...; di qual si elezerano per colegio quanti parerà, et expedirano a far li fanti. Li arsilij do è partiti, et il 3.° partì a dì ..., per i stratioti. Sier Zuan Moro, capetanio di le galie bastarde, à compito di armar la sua galia, et partirà a dì ... per Istria.
     
      Da poi disnar fo pregadi. Et leto le infrascripte letere:
     
      Di Goricia, di Trieste, di Riva et Roverè. In conformità. Chome da quelli confini non senteno alcuna movesta di arme; imo è stà fato cride, per quelli agenti dil re, che tutti convicinano ben con li subditi di la Signoria nostra, et le merchadantie corano etc.
     
      Di Milam, dil secretario, più letere. Dil ritorno di missier Zuan Jacomo; et che esso secretario da quelli signori francesi viem ben visto etc. Item, domino Zuan Laschari, è lì, e fato del consejo di Milan, par non sia molto in gracia dil suo re; dice è servitor di questa illustrissima Signoria etc. Item, francesi forniscono li soi castelli confina con nostri; et alia, ut in litteris. Item, il gran maistro, che ritorna di Franza a Milan, a dì 4 partì da Aviens, et fin X zorni sarà a Milan, zoè a dì 17.
     
      Di Cremona, di rectori. Come solicitano la fabricha dil castello continuamente, con gran numero di homeni ... et cari ..., che ogni dì lavorano.