Memorie lodevoli e iscrizioni che si ritengono per il marchese Francesco M. Emanuele e Gaetani, terzo di questo nome.
      Delli due ritratti principali di casa, pittati dal cav. Antonino Manno:
      Franciscus M. Emanuele e Gaetani Vanni Agliata et de Bononia ex Burgij Millusij priscis comitibus, feudorumque Borgetti, Culcasij et Cristani, marchio Villae albae ac Castri Mazariae dominus et baroniae Merchae suaque in domo aequisitor inclytus novis pro bonis junctis avitis, patricio genere Panormi exortus, bonoque Patriae pro sese natus ac simul omnibus omnia factus, hic urbis principis incessit senator et inter PP. CC. recensitus iterum sub annis criticam rem contingentibus 1775 et 1776, post fata scilicet urbis infesta praelapsi anni 1773, perquae senatores ex magnatibus Regni seligi dispositum, sumpto per antea longo regimine magistratuum omnium urbanorum pluries. Panormi coeterum prothonotarius Camerae reginalis Syracusarum anno 1766 et secundus vir prior Regalis Curiae de Consulatu commercij terraque marique anno 1779. Salutatus cum fuerit post gestam publicae salutis curam anno 1776 vice et voce Principis auctus, tunc ibi incaluit primus in Sicilia concessionarius ex Ferdinandi III regis diplomate anno 1779 tituli et decoris pulchri fortis comiti captata regia jugiter gratia de se appellando belle de Patria deque tota Sicilia optime meritum. Vir paene omnimodo scientiarum eruditione doctus, suarum rerum notione doctior, panormitana siculaque historia doctissimus. Per libros editos ubique clarus, factusque urbis decus et orbis post vitae cursum per annos.